Pata majibu ya maswali yote uliyonayo kuhusu maisha ya chuo na changamoto zake

Maisha ya Chuo

Kwa yule anayependa kusoma UDSM, jambo hili litakusaidia ukilijua mapema

(Kupata dondoo hizi na nyingine nyingi, pata kitabu cha Your Guide to University Life, kinachokusaidia kupata majibu ya maswali na kila jambo unaloweza kupitia kama mwanachuo, kwenye kitabu hiki utapata ushauri kutoka kwa waliomalia chuo kuhusiana na maswala ya pesa na biashara, urafiki, supp, carry, disco, mahusiano, migomo, mambo ya kufanya ukipata skendo chuo, jinsi ya kudili na walimu wasumbufu, ushauri wa mitindo, jinsi ya kujiandaa na maisha ya mtaani ukiwa chuo na mada nyingine kedekede, kukipata kitabu hicho kwa Tsh 5000/= tu, bonyeza hapa)

—–

UDSM ni chuo kizuri sana.

Kina kozi nyingi.

Kipo mjini.

Kuna fursa nyingi.

Unanikumbusha nilivyomaliza kidato cha sita nilikuwa nataka nisome UDSM, kozi yoyote ile ili mradi tu niwe UDSM. Kwahiyo nikaapply kozi tatu tofauti katika nafasi zangu tano, zote niliapply UDSM, mbili zilizobaki, nikajaza UDOM na ya mwisho nikajaza Mbeya University of Science and Technology (MUST).

Nikachaguliwa MUST.

Niliumia sana. Yani nimejitoa nafasi tatu zote lakini sijachaguliwa??

Yani nimeweka kozi tofauti tofauti japokuwa nilikuwa sizipendi lakini bado?

Niliumia sana.

Ila nilipata nafasi ya kufikiria, hivi kwanini wengi tunapenda kusoma UDSM?

Je, ni kwasababu kipo Dar?

Kuna fursa nyingi? Au ni chuo bora na maarufu kwahiyo kusoma hapo kunakupa heshima?

Nilifundishwaga kuwa ukitaka kuchagua chuo, chagua chuo ambacho kimejikita kwenye jambo unalotaka kusoma, kwahiyo kwa mfano mambo ya biashara, ni vizuri ukisoma IFM kuliko UDSM, sio kwamba UDSM ni kibaya ila IFM ni chuo maarufu kwaajili ya biashara hivyo wanaujuzi na wamejikita eneo hilo sana.

Mambo ya sayansi na engineering, MUST na DIT vinaweza kuwa bomba zaidi, sio kwasababu UDSM hakifanyi vizuri eneo hili ila hivi vimejikita kwenye hili eneo pekee hivyo hata mazingira yanakuwa mazuri kwa wewe ukisoma engineering vyuo hivyo.

(Soma : Mambo 5 ya kuzingatia unapochagua chuo)

Kwahiyo jiulize kwanini unapenda UDSM, je ni jina tu na mjini au kweli kozi unayoipenda pale ndio itakufungulia milango zaidi…

Wakati naenda MUST sikuwa na furaha kwasababu ndio nilikuwa nasafiri nje ya mkoa kimasomo kwa mara ya kwanza lakini pia sikuwa naenda UDSM kama nilivyotamani, lakini nilijifunza kuwa inaweza kuwa adventure ya kujua mkoa mwingine lakini pia kuna vyuo vingine ambavyo ni vizuri pia, hasa kwa kozi niliyokuwa naisoma – Mechanical Engineering.

Hivyo kwa wewe unayependa kusoma UDSM, ni kwanini unapenda kusoma hapo? Na ukikosa, je ukowazi kuamini kuwa vyuo vingine pia vinaweza kukupa experience nzuri ya chuo ambayo uliidhani ungeipata UDSM? Unaweza kuenjoy sehemu nyingine au ndio utaishi kwa maumivu, kujuta na kunun’gunika ukichaguliwa chuo kingine?

Ukikosa kuchaguliwa UDSM haimaanishi hauna akili au umeshindwa, utakuwa umepata chuo kingine, furahia umepata chuo.

Na ukichaguliwa UDSM sio kwamba ambao hawajachaguliwa hapo hawana akili au wewe ni bora zaidi ya wao, ni chuo kama vyuo vingine, thamani yako ni zaidi ya chuo unachosoma.

Follow @maishayachuo Instagram ili kupata dondoo za maisha ya chuo.

Eunice

(Soma : Mambo ya kuzingatia unapochagua kozi ya kusoma chuoni)

(Angalia Kozi unazoweza kuzisoma kwa combi yoyote uliyoisoma)

One Comment

Share Your Thoughts With Me

Translate »